اطلاعاتو ته د لاسرسي کمېسیون رییس سره د ولایتو د څېړنیزو خبریالانو لیدنه

اطلاعاتو ته د لاسرسي کمېسیون رییس ښاغلي عین الدین بهادري سره د ولایتو څېړنیزو خبریالانو د ۱۴۰۰ مالي کال د غوایي ۲۸مه، سه شنبه ورځ؛ اطلاعاتو ته د لاسرسي کمېسیون کې ولیدل.

په پیل کې ښاغلي بهادري، کمېسیون ته د خبریالانو راتګ ته ښه راغلاست ترڅنګ؛ په افغانستان کې اطلاعاتو ته د لاسرسي حق، اطلاعاتو ته د لاسرسي حق پر وړاندې د شته ستونزو، اطلاعاتو ته د لاسرسي کمېسیون رامنځته کېدو، همدارنګه د ولایتي خبریالانو د ستونزو حل کولو په هکله د یاد بنسټ هڅو په اړه خبرې وکړې.

ښاغلي بهادري وویل: «که څه هم اطلاعاتو ته د لاسرسي په برخه کې ټول خبریالان له ستونزو سره لاس او ګریوان دي؛ خو څېړنیز خبریالان لا ډېرو ستونزو سره مخ دي چې اطلاعاتو ته د لاسرسي کمېسیون له موضوع څخه خبر دی او هڅه کوي چې د دې خنډونو له منځه وړولو لپاره د مرکز او ولایتونو په کچه بنسټیز کار وکړي». نوموړي اطلاعاتو ته د لاسرسي اهمیت ته په نغوته وویل؛ اطلاعاتو ته لاسرسی د دولت قدرت پیاوړی کوي چې د ټولنې پرمختګ او پراختیا کې مهم رول لري.

د کمېسیون رییس، اطلاعاتو ته د لاسرسي کمېسیون دندو په پام کې نیولو سره، د دې بنسټ ماموریت د هېواد ټولو هېوادوالو او خبریالانو ته اطلاعاتو ته د لاسرسي حق تامینول بیان کړل؛ ترڅو مؤثق او حقیقي معلومات له عامه وګړو او څېړنیزو بنسټونو سره شریک شي. بهادري زیاته کړه؛ په پیل کې اطلاعاتو ته د لاسرسي حق سره سطحې چلند کېدلو او یوازې د خبریالانو تر حوزې پورې محدود ګڼل کېده خو اطلاعاتو ته د لاسرسي کمېسیون له رامنځته کېدلو وروسته هڅه شوې چې اطلاعاتو ته د لاسرسي حق د ټولو وګړو حق په توګه په لویه کچه مطرح شي چې ډېرې مختلفې څانګې په بر کې نیسي. له ادارو سره د خبرو اترو او د دوی همکاریوب په اساس له مختلفو لار په ګټنې اطلاعاتو ته د هېوادوالو آسانه لاسرسی او اطلاعاتو ته د لاسرسي آنلاین سېستم جوړول په یاده برخه کې د کمېسیون له مهم کړنو بلل کېږي چې په پایله کې ډېرې ستونزې په فرصتونو اوښتې دي

ورپسې خبریالانو د کمېسیون ښوونیز پروګرامونه وستایل او یاد پروګرامونه یې ګټور وبلل، خپلې تجربې او یادونې یې له کمېسیون سره شریکې کړې. همدارنګه نوموړو په ولایتونو کې د خپلو ورځنیو ستونزو په هکله خپل وړاندیزونه ارایه کړل چې د کمېسیون رییس لخوا له هرکلي سره مخ شول.

د کمېسیون ژمنه وکړه چې د ولایتي څېړنیزو خبریالانو ستونزو د حل لپاره به یوې تل پاتې ستراتېژیکې حل لارې ته اقدام کوي.

د پروګرام په پای کې د کمېسیون د وېب‌پاڼې کارپوه، څېړنیزو خبریالانو ته اطلاعاتو ته د لاسرسي آنلاین سېستم په هر اړخیز ډول توضیح کړ.