د پلټنې عالي اداره کې اطلاعاتو ته د لاسرسي حق او قانون په هکله د پوهاوي پروګرام

اطلاعاتو ته د لاسرسي کمېسیون، په ټولنه کې اطلاعاتو ته د لاسرسي حق تامینولو ته ژمن دی؛ د همدې چارې ترسره کولو او اطلاعاتو ته د لاسرسي حق لا ښه پلي کولو په پار د پوهاوي پروګرامونو په لړۍ کمېسیون نن د پلټنې عالي اداره کې د کمېسیون کمېشنرې آغلې زهرا موسوي، مالي او اداري مرستیال ښاغلي عالم شاه ابراهیمي، د دې ادارې رییسانو، آمرینو او د کمېسیون د عامه پوهاوي ټیم په شتون کې ترسره شو.

په پیل کې ښاغلي ابراهیمي، د ښه راغلاست ترڅنګ، د پلټنې عالي اداره کې اطلاعاتو ته د لاسرسي حق تامین څخه کمېسیون ته ډاډ ورکړ او ویې ویل؛ د پلټنې عالي ادارې موخه په ادارو کې د روڼتیا تامینول دي چې په ادارو کې اطلاعاتو ته د لاسرسي حق تامینول موږ یادې موخې ته رسوي.

ورپسې آغلې موسوي وویل؛ اطلاعاتو ته د لاسرسي فلسفه دا ده چې وګړي اطلاعاتو ته د لاسرسي حق څخه د ګټنې په واسطه د حکومتوالۍ چارې څاري او کنټرلوي، ترڅو د حکومتوالۍ په پروسه کې روڼتیا تامین شي. نوموړې له وړاندې اطلاعات خپرولو باندې ټینګار وکړ او اطلاعاتو ته لاسرسی یې د ملت او دولت ترمنځ د باور ټینګښت لپاره اغېزمن میکانیزم وباله

په پای کې ښاغلي جعفر ایشاني، اطلاعاتو ته د لاسرسي کمېسیون د عامه پوهاوي کارپوه، د يو پرېزینټیشن په وسیله اطلاعاتو ته د لاسرسي حق، اطلاعاتو ته لاسرسي قانون موخو، اطلاعاتو ته د لاسرسي طریقې، د وګړو ملاتړ، د اطلاعاتو ورکولو مودې، د اطلاعات ورکولو طریقې، اطلاع رسونې مرجع مسوولینو، په ادارو کې د اطلاع رسونې مرجع مسوولینو دندو، له وړاندې د اطلاعات خپرولو په هکله د ادارو مکلفیت، اطلاعاتو ته د لاسرسي ممنوعیتونو، شکایتونو او ورته رسېدنه، سرغړونو، تأدیبی مؤیداتو او د وګړو خوندیتوب په هکله د قانون په رڼا کې هر اړخیز معلومات وړاندې کړل.