د ولسمشرۍ ماڼۍ د چارو ادارې اطلاع رسونې مسوولینوسره اطلاعاتو ته د لاسرسي کمېسیون غړو لیدنه
اطلاعاتو ته د لاسرسي کمېسیون غړو، مرستیالې آغلې نجیبې مرام، حمدالله ارباب او زهرا موسوي د ولسمشرۍ ماڼۍ د چارو ادارې اطلاع رسونې مسوولینوسره ولیدل.
په دې غونډه کې چې د ولسمشرۍ ماڼۍ چارو ادارې څخه د اطلاعات غوښتلو په اړه د شکایتونو، له کمېسیون سره د اطلاع رسونې په برخه کې د لا همغږۍ او همکارۍ په اړه بحث وشو؛ پیل کې اطلاعاتو ته د لاسرسي کمېسیون مرستیالې اغلې نجیبې مرام، د ولسمشرۍ ماڼۍ د چارو ادارې اطلاع رسونې اداره کې د شته اطلاعاتو په وخت او دقیق اطلاعاتو خپرولو په اړه خبرې وکړې او له یادو مسوولینو څخه یې وغوښتل تر څو اطلاعاتو ته د لاسرسي حق پلي کولو کې هر اړخیزه هڅه وکړي.
ور پسې د کمېسیون غړو، ښاغلي حمدالله ارباب او آغلې زهرا موسوي د ولسمشرۍ ماڼۍ د چارو ادارې اطلاع رسونې اداره کې د شته اطلاعاتو له وړاندې خپرولو باندې ټینګار وکړ. د بشپړې او پر وخت اطلاع رساني د حکومت په کړنو د باور زیاتوالي لامل وګاڼه
په پای کې د ولسمشرۍ ماڼۍ د چارو ادارې د اطلاع رسونې مسوولینو ژمنه وکړه چې د اطلاع رسونې په برخه کې به ښه کار کوي او اطلاعاتو ته د لاسرسي قانون او کړنلارو په پام کې نېولو سره اطلاعاتو ته د لاسرسي حق پلي کولو کې له کمېسیون او غوښتوونکو سره هر اړخیزه مرسته کوي.
