د فساد پر وړاندې مبارزې همغږۍ کارکوونکو ته اطلاعاتو ته د لاسرسي قانون په اړه د پوهاوي پروګرام
دا پروګرام اطلاعاتو ته د لاسرسي کمېسیون غړي ښاغلي حمدالله ارباب او د افکک موسسې کارکوونکو په شتون کې د دې موسسې په دفتر کې اطلاعاتو ته د لاسرسي قانون په اړه د پوهاوي پروګرام تر سره شو.
یاده موسسه اطلاعاتو ته د لاسرسي قانون حق او نورو ټولو قانونو د عامه پوهاوي پروګرامونه په مشرقي زون کې دایره وي. له همدې امله اطلاعاتو ته د لاسرسي کمېسیون کوښښ کوي چې له دې موسسې سره په همکارۍ اطلاعاتو ته د لاسرسي قانون په اړه د عامه پوهاوي پروګرامونه په مشرقي ولایتونو کې تر سره کړي.
په دې پروګرام ښاغلي حمدالله ارباب، اطلاعاتو ته د لاسرسي قانون او په ادارو کې د شته اطلاعاتو ته د وګړو لاسرسي په اړه معلومات وړاندې کړل او دا يې د دوي له بنسټیزو حقونو څخه وباله. ښاغلي ارباب وویل:«وګړي باید په ولایت او مرکز کې له دې قانوني حق څخه خبر شي او له د حق څخه د فساد پر وړاندې مبارزې او د ادارو ځواب ویل وګړو ته استفاده وشي» ځکه نو د دې موسسې د عامه پوهاوي ټیم باید د عامه پوهاوي په برخه کې جدې او نه ستړې کېدونکې هلې ځلې وکړي او وګړو ته د فساد پر وړاندې مبارزې په برخه کې د شته قانونو په ځانګړي توګه اطلاعاتو ته دلاسرسي قانون په رڼا کې فکر ورکړي.
په پای کې ښاغلي خلیل جیحون، اطلاعاتو ته د لاسرسي قانون موخو، د ادارو مکلفیتونو، اطلاعات ورکړې، د اطلاعات ورکړې وخت، د اطلاع رسونکي دندې، د اطلاعات غوښتنې طریقې، د شکایتونو حق او شکایت ته د رسېدنې او د وګړو ملاتړ په اړه اړین معلومات او پریزنټېشن وړاندې کړ.
په پای کې د ګډونوالو پوښتنو ته ځوابونه وویل شول.
