د شهیدانو او معلولینو په چارو کې د دولت وزارت ته اطلاعاتو ته د لاسرسي قانون په هکله د پوهاوي پروګرام
دا پروګرام اطلاعاتو ته د لاسرسي کمېسیون کمېشنرې آغلې زهرا موسوي، د شهیدانو او معلولینو په چارو کې د دولت وزارت وزیر ښاغلي لعل الدین آریوبي په شتون کې به دې وزارت کې ترسره شو.
په پیل کې ښاغلي آریوبي، د ښه راغلاست؛ د روڼتیا او اداري فساد په برخه اطلاعاتو ته د لاسرسي کمېسیون د کړنو د ستاینې تر څنګ؛ اطلاعاتو ته لاسرسی یې د ښې او خلاصې حکومتوالۍ یوه نښه وګڼله. هغه وویل؛ اطلاعاتو ته د لاسرسي کمېسیون په مشورو او همکاریو به په یاد وزارت کې به اطلاعاتو ته د لاسرسي حق تامین کړي.
ورپسې آغلې موسوي وویل؛ حساب ورکول، روڼتیا او اطلاعاتو ته لاسرسی د ښې حکومتوالۍ له ځانګړنو څخه ده. ادارې باید حساب ورکولو او روڼتیا په برخه کې اطلاعاتو ته د لاسرسي حق تامین کړي. هغې زیاته کړه؛ اطلاعاتو ته د لاسرسي څخه پرته نشو کولای د روڼتیا او اداري فساد پر وړاندې مبارزې په هکله بحث وکړو، ځکه چې د فساد پر وړاندې مبارزې لپاره اطلاعاتو ته لاسرسی اړین دی.
په پای کې اطلاعاتو ته د لاسرسي کمېسیون د عامه پوهاوي آمر ښاغلي خلیل جیحون، د یو پرېزینټېشن له لارې، اطلاعاتو ته د لاسرسي حق په هکله هر اړخیز معلومات وړاندې کړل.
