د تدارکاتو ملي ادارې کې اطلاعاتو ته د لاسرسي قانون په اړه د عامه پوهاوي پروګرام
۱۳۹۸، د سلواغې ۳۰، چهارشنبه
اطلاعاتو ته د لاسرسي قانون په هکله دا پروګرام، اطلاعاتو ته د لاسرسي کمېسیون،غړي ښاغلي حمدالله ارباب، د مسلکي مرستیال ښاغلي ویس رحمیي ، رییسانو،سلاکارانو او د ملي تدارکاتو د مختلفو ادارو امرینو په شتون کې تر سره شو.
په دې پروګرام کې ښاغلي حمدالله ارباب، په دیموکراتیکو نظامونو کې د ښې حکومتوالۍ لپاره اساسي بنسټ اطلاعاتو ته لاسرسی وباله، د حکومت مسولین او کارکوونکي یې د اطلاعاتو امانتداران او ساتونکي وګڼل همدارنګه یې د قانون په رڼا کې هېوادوالو ته د اطلاعاتو په ارایه کول ټینګار وکړ.
هغه اطلاعاتو ته لاسرسی د اوسنۍ ټولنې او فساد پر وړاندې مبارزې لپاره اړین کار وګاڼه او زیاته
یې کړه: « وګړي حق لري چې په ادارو کې شته اطلاعاتو، کړنو، پروګرامونو، بودجې، قراردادونو او د دولتي لوړپوړو معاشونو په اړه معلومات ولري».
ښاغلي ارباب زیاته کړه: « په ولسواکي نظامونو کې ټولې ادارې او مسوولین د وګړو خدمت او هغوی ته د ځواب ویلو لپاره تیار وي». نو په د ې اساس په ادارو کې د شته اطلاعاتو اصلي مالکان عام وګړي دي او د قانون په رڼا کې حق لري چې په ادارو تر سره کېدونکو کارونو په اړه اطلاعات ولري، تر څو د حکومت په پرېکړو کې فعال رول ولري.
په پای کې ښاغلي ولي الله مصباح، اطلاعاتو ته د لاسرسي قانون د هدفونو، اطلاعاتو غوښتلو طریقو، د وګړو ملاتړ، د اطلاعاتو ورکولوطریقې، د اطلاع رسونې مسوول دندې او کمیسون ته د شکایت کولو او هغه ته د رسیدنې په اړه د پریزینټېشن په لړ کې لازم معلومات ورکړل.
او د ګډونوالو پوښتنو ته ځوابونه وویل شول.
