کاپیسا ولایت کې د قانون حاکمیت لپاره د حمیدې برمکي موسسې په همکارۍ اطلاعاتو ته د لاسرسي حق او قانون په هکله د پوهاوي پروګرام
دا پروګرام، اطلاعاتو ته د لاسرسي حق او قانون په اړه د عامه پوهاوي په پار، اطلاعاتو ته د لاسرسي کمېسیون د عامه پوهاوي آمر ښاغلي خلیل جیحون په شتون کې د روڼتیا او د محرمیت دود له منځه وړلو لپاره د حمیدي برمکي موسسې په همکارۍ مدني ټولنې، رسنیو، حقوقي فعالینو، د کاپیسا ولایت دولتي کارپوهانو ته ترسره شو.
د عامه پوهاوي آمر ښاغلي خلیل جیحون، اطلاعاتو ته د لاسرسي کمېسیون د عامه پوهاوي کارپوه، د يو پرېزینټیشن په وسیله اطلاعاتو ته د لاسرسي حق، اطلاعاتو ته لاسرسي قانون موخو، اطلاعاتو ته د لاسرسي طریقې، د وګړو ملاتړ، د اطلاعاتو ورکولو مودې، د اطلاعات ورکولو طریقې، اطلاع رسونې مرجع مسوولینو، په ادارو کې د اطلاع رسونې مرجع مسوولینو دندو، له وړاندې د اطلاعات خپرولو په هکله د ادارو مکلفیت، اطلاعاتو ته د لاسرسي ممنوعیتونو، شکایتونو او ورته رسېدنه، سرغړونو، تأدیبی مؤیداتو او د وګړو خوندیتوب په هکله د قانون په رڼا کې هر اړخیز معلومات وړاندې کړل. نوموړي اطلاعاتو ته لاسرسی د ډیموکراتیکو نظامونو له اساسي اصولو وباله؛ پرته اطلاعاتو ته د لاسرسي څخه د ښې حکومتوالۍ ناشوني دي.
د عامه پوهاوي آمر؛ په ټولنه کې اطلاعاتو ته د لاسرسی پلي کول؛ د رسنیو، مدني ټولنو، د بشر حقوقونو فعالینو او دولت هر اړخیزې همکارۍ ته اړتیا لري. هغه زیاته کړه؛ اطلاعاتو ته لاسرسی یو وګړیز او عامه حق دی او اړتیا ده چې د دې حق پلي کولو لپاره اړین اقدامات ترسره کړو.
د کمېسیون او د قانون حاکمیت لپاره د حمیدې برمکي موسسې تر منځ د همکاریو هوکړې په اساس، حمیدې برمکي موسسې د اساسي قانون په اړه د پوهاوي پروګرام سربېره اطلاعاتو ته د لاسرسي حق او قانون په هکله د پرېزېنټېشن ارایه کولو زمینه برابروي. اطلاعاتو د لاسرسي کمېسیون، اطلاعاتو ته د لاسرسي حق او قانون عامولو په برخه کې د حمیدې برمکي موسسې هراړخیزې موسسې ستایي.
