ولایتي خبریالانو ته اطلاعاتو ته د لاسرسي حق او قانون او اطلاعاتو ته د لاسرسي آنلاین سېستم په اړه ښوونیز پروګرام
اطلاعاتو ته د لاسرسي کمېسیون د رومي مشورتې دفتر په همکارۍ؛ ولایتي خبریالانو ته اطلاعاتو ته د لاسرسي حق او قانون او اطلاعاتو ته د لاسرسي آنلاین سېستم په اړه ښوونیز پروګرام؛ اطلاعاتو ته د لاسرسي قانون او اطلاعاتو ته د لاسرسي آنلاین سېستم څخه د خبریالانو او په ځانګړي ډول په څېړنیزو راپورونو کې د ګټې اخیستنې په موخه ترسره کړ.
په دې پروګرام کې اطلاعاتو ته د لاسرسي کمېسیون په استازولۍ ښاغلي خلیل جیحون ګډون کړی وه، اطلاعاتو ته د لاسرسي آنلاین سېستم څخه د ګټې اخیستنې څرنګوالی او د قانون عملي میکانیزم یې هر اړخیز تشریح کړ، نوموړي په ادارو کې شته اطلاعاتو ته د خبریالانو لاسرسي په اړه خبرې وکړې ویې ویل؛ اطلاعاتو ته د لاسرسي آنلاین سېستم خبریالانو ته ډېرې آسانتیاوې رامنځته کړي په ځانګړي ډول هغو خبریالانو ته چې څېړنیز راپورونه تدوینوي.
د پروګرام په دوام کې ښاغلي جیحون، اطلاعاتو ته لاسرسی د څېړنیز ژورنالیز اساس او بنسټ وباله او زیاته یې کړه؛ اطلاعاتو ته د لاسرسي پرته د څېړنیز راپور برابرول ناشوني دي او دې سېستم نه یواځې خبریالانو بلکه د افغانستان ټولو اوسېدونکو ته اطلاعاتو ته لاسرسی آسانه کړی.
