د مالیه وزارت خصوصي او د عامه گډون عمومي ریاست، حقوقي سلاکار سره اطلاعاتو ته د لاسرسي کمېسیون د مشرتابه غونډه
۱۳۹۹کال د وږي ۲۳مه، یکشنبه
دا ناسته اطلاعاتو ته د لاسرسي کمېسیون کمېشنر او منشي ښاغلي حمدالله ارباب، د مالیه وزارت د خصوصي او عامه گډون عمومي رییس ښاغلي واکمن صمیم امین په شتون کې اطلاعاتو ته د لاسرسي کمېسیون، په مالیه وزارت کې د اطلاع رسونې دود پیاوړي کولو لپاره تر سره شوه.
په پیل کې ښاغلي ارباب، له وړاندې اطلاعات خپرولو باندې ټینګار وکړ. ښاغلي ارباب زیاته کړه؛ د اطلاعاتو له وړاندې خپرول د ملت او دولت تر منځ د باور سبب کېږي. هغه وویل، له وړاندې اطلاعات خپرول ولسي ګډون ته زمینه برابروي ترڅو د ولسي ګدون په همغږۍ د هېواد په ټولو ولایتونو کې پرمختیایي پروګرامونه پلي شي.
په پای کې پرېکړه وشوه چې مالیې وزارت به د اطلاعاتو ډلبندۍ په کړنلارې کار پیل کړي او د دې تر څنګ د کمېسیون یو غړی به د یاد ریاست په ربعوارو غونډو کې ګډون کوي او اطلاعاتو ته د لاسرسي حق په اړه بحث وکړي.
همدارنګه کمېسیون ژمنه وکړه چې د یاد ریاست کارکوونکو ته، د پوهاوي کچې لوړولو لپاره اطلاعاتو ته د لاسرسي قانون پلي کولو په برخه کې د عامه پوهاوي پروګرام جوړ کړي.
