اطلاعاتو ته د لاسرسي کمېسیون اونیزه غونډه
اطلاعاتو ته د لاسرسي کمېسیون اونیزه غونډه، د کمېسیون د غړو او اطلاعاتو ته د لاسرسي کمېسیون د دارالانشا رییس په شتون کې تر سره شو.
په دې غونډه کې د کمېسیون د دارالانشا رییس ښاغلي عصمت الله حیدري د مختلفو څانګو کاري راپور د کمېسیون مشرتابه ته وړاندې کړ. ورپسې د کمېسیون غړو کمېسیون ته د شویو شکایتونو، د اطلاعاتو ارایه کولو په برخه کې د سرغړونکو ادارو لپاره د مطبوعاتي کنفرانس جوړولو، په ولایتونو کې د پوهاوي پروګرامونو د تر سره کولو په څرنګوالي، د کړنلارو وروستي کول، په ولایتونو کې لومړیو او دوهمي واحدونو ته د اطلاع رسونې مرجع ورپېژندل، مالي مسایلو او د کمېسیون د بودجې په تړاو خبرې وکړې.
د کاري راپور اورېدلو او د اندونو تبادلې څخه وروسته، د کمېسیون غړو د ځانګړي پلان پر بنسټ د اړینو کړنو پر مخ وړلو لپاره اړین هدایات صادر کړل.
