د ولسمشرۍ ماڼۍ د چارو ادارې فرهنګي او ټولنیز ریاست سره اطلاعاتو ته د لاسرسي کمېسیون د مشرتابه غونډه
دا غونډه د کمېسیون رییس ښاغلي عین الدین بهادري او د کمېسیون مرستیالې آغلې نجیبې مرام د ولسمشرۍ ماڼۍ د چارو ادارې فرهنګي او ټولنیز ریاست رییس ښاغلي میاګل وثیق او همکارانو سره یې په کمېسیون کې ولیدل. په دې غونډه کې دواړو خواوو د خپلو کارونو او پروګرامونو او د ګډو همکاریو وکړې اړه خبرې اترې وکړې. ښاغلي بهادري وویل اطلاعاتو ته د لاسرسي کمېسیون په حکومتي بنسټونو کې د اطلاع رسونې دود پیاوړي کولو، د اطلاع رسونې مرجع پیاوړي کولو، د سازماني مکلفیتونو او د ولایتي پروګرامونو پلي کولو لپاره د ټولو دولتي ادارو ګډو همکاریو په ځانګړي ډول د ولسمشرۍ ماڼۍ د چارو ادارې فرهنګي او ټولنیز ریاست همکاریو ته اړتیا لري.ورپسې ښاغلي وثیق وویل اطلاعاتو ته د لاسرسي حق تامینول او د بنسټونو په کړنو کې روڼتیا یواځې د کمېسیون دنده نه بلکه د ټولو ادارو دنده ده. هغه زیاته کړه، د چارو اداره په دې برخه کې همکاري کوي چې دا همکاري به د چارو ادارې فرهنګي او ټولنیز ریاست لخوا تنظمېږي.
په پای کې د دواړو لخوا د اطلاع رسونې په برخه کې په ګډو همکاریو او د افغانستان وګړو ته خدمت باندې ټینګار وشو
