د ټولنیزې پیاوړتيا په برخه کې اطلاعاتو ته د لاسرسي رول
اطلاعاتو ته لاسرسی د پياوړي کوونکو حقونو له ډلې څخه ده او هغه حق ته ویل کېږي چې د هغه پر بنسټ وګړی کولای شي د حکومت په کړنو کنترول ولري او په پرلپسې توګه څارنه ورځنې وکړي. دا حق د ټولنې له وګړو سره مرسته کوي چې د ژوند اصلي لوری وټاکي او خپل وګړیز او ټولنیز مسوولیت په ښه ډول پر غاړه واخلي او په سیاسي، فرهنګي، اقتصادي او ټولنیز ژوند کې خپل شتون تضمین کړي.
د اطلاعاتو پټول د ټولنیزې کمزورۍ له مهمو لاملونو څخه دی ځکه نو وګړي نشي کولای په وګړیز او ټولنیز ژوند کې خپل رسالت په بنسټیز ډول تر سره کړي. ځکه چې د اطلاعاتو په نه شتون کې نشو کولای د بیان ازادي، سیاسي ګډون حق، له ټولنیزو خدمتونو ګټه اخیستنه، د زده کړې حق، د کار حق، د چاپیریال حق او نورو حقونو څخه استفاده وکړو.
نو پر همدې اساس، اطلاعاتو ته د لاسرسي حق کولای شو د یو قدرت په نوم یاد کړو. اطلاعاتو ته لاسرسی د ټولنې وګړو ته د پېژندې، پرېکړې، تشخیص او قضاوت پیاوړتیا وربښي او د هغو پر بنسټ له ټولو خپلو حقونو، مسوولیتونو او امتیازونو څخه د ټولنې ملاتړ وکړي او د پوهاوي په صورت کې د ټولنې په ټولو سیاسي، اقتصادي، فرهنګي او ټولنیزو چارو کې ګډون وکړي. دا چاره هغه وخت صورت مومي چې د ټولنې ټول وګړي عمومو پورې اړوند اطلاعاتو ته بشپړ لاسرسی ولري او د پیاوړې نیرو په توګه د حکومتي بنسټونو تر څنګ د ټولنې پرمختګ او پرختیا لپاره موثر ګامونه واخلي.
