اطلاعاتو ته د لاسرسي ۵ کلنې ستراتېژي وروستي کولو په پار د کمېسیون د رهبرۍ غونډه تر سره شوه
اطلاعاتو ته د لاسرسي ۵ کلنې ستراتېژي وروستي کولو لپاره نن د کمېسیون رییس ښاغلي عین الدین بهادري، مرستیالې آغلې نجیبې مرام، منشي ښاغلی حمدالله ارباب، غړې آغلې زهرا موسوي، د دارالانشا رییس ښاغلي عصمت الله حیدري، ټولو کارکونکو او سلاکارانو په شتون کې غونډه ترسره شوه. په دې غونډه کې د ستراتېژي کلي چارچوب ارایه وشوه او د وروستۍ ستراتېژۍ لپاره د ګډنوالو نظرونه هم واخیستل شول تر څو وکولای شو وروستۍ نسخه یې ترتیب او د یو تخنیکي سند په توګه یې د ادارې جوړښت ته ور دننه کړو او د دې پر بنسټ د کمېسیون تخنیکي او د عملیاتي پلان برخې تنظیم او پلي کولو ته یې اقدام وکړو.
اطلاعاتو ته د لاسرسي کمېسیون د قانون ښه پلي کېدو او په ادارو کې شته اطلاعاتو ته د وګړو لاسرسي حق تامینولو لپاره، اطلاعاتو ته د لاسرسي ۵ کلنه ستراتېژي د ملي شریکانو او نړیوالو متخصصینو په مرسته طرحه او په نږدې راتلونکې کې به یې د یو تخنیکي سند په توګه اطلاعاتو ته د لاسرسي قانون موخو ته د رسېدو لپاره د اجرا کېدو په پار وړاندې کړي.
اطلاعاتو ته د لاسرسي ۵ کلنه ستراتېژي، اطلاعاتو ته د لاسرسي قانون بشپړ پلي کېدو لپاره د حاکمیت(مرکزي او سیمه ییز) هره برخه کې زمینه برابره وي او د قانون موخو ته د رسېدو لپاره د کمېسیون د حرکت لوری مشخصوي، تر څو وکولای شي د ځانګړو پروګرامونو په پلي کولو په ادارو کې شته اطلاعاتو ته د وګړو لاسرسي زمینه برابره کړي
