د کابل ښار پنځمې ناحیې کې اطلاعاتو ته د لاسرسي قانون حق په اړه د پوهاوي پروګرام
۱۳۹۸کال، ۱۵د سلواغې، سه شنبې
اطلاعاتو ته د لاسرسي حق په اړه د پوهاوي پروګرام د مرستیالې نجیبې مرام، کمېشنرې زهرا موسوي ، پنځمې ناحیې رییس ښاغلي اسدالله زمري، د کلو وکیلانو، عالمانو، سپینږیرو، د ښځو شورا غړو او ځوانانو په شتون کې تر سره شو.
په دې پروګرام کې آغلې مرام، اطلاعاتو ته د لاسرسي حق او د کمېسیون دندو په اړه خبرې وکړې. د وګړو ونډه یې اطلاعاتو ته د لاسرسي قانون پلي کولو کې مهمه وبلله او ویې ویل:« وګړي حق لري چې په ادارو کې شته اطلاعاتو په اړه پوښتنه وکړي او د ځواب ورکونکي دولت په جوړولو کې خپله دنده تر سره کړي» د قانون په رڼا کې ټولې ادارې مکلفې دي چې وګړو ته اطلاعات ورکړي.
آغلې زهرا موسوي، چې په دې پروګرام یې کې خبرې کولې وويل:« د وګړو لاسرسی اطلاعاتو ته او د اطلاعاتو حق په اړه د وګړو پوهاوی د ښې حکومتوالۍ د ګډون اسانتیا برابروي» نو اطلاعاتو ته د لاسرسي کمېسیون کوښښ کوي چې د ولسواکۍ نظام پیاوړي کولو لپاره د ټولنې په مختفلو قشرونو کې د قانون پوهاوي په اړه پروګرامونه تر سره کړي.
ښاغلي اسدالله زمري، د اطلاع رسونې په برخه کې اطلاعاتو ته د لاسرسي کمیسون رامنځته کول مهم وبلل او زیاته یې کړه:« وګړي باید د خپل سرنوشت په برخه کې حساس وي او د حکومت له هر ډول کړنو او پرېکړو نه خبر وي» نو اطلاعاتو ته د لاسرسي کمېسیون چې په دې برخه کې اسانتیا رامنځته کړې، وګړي باید د دې قانوني حق نه په ښه توګه ګټه واخلي.
په پای کې ښاغلي خلیل جیحون، اطلاعاتو ته د لاسرسي قانون د هدفونو، اطلاعاتو غوښتلو طریقو، وګړو ملاتړ، اطلاعاتو ورکولوطریقې، اطلاع رسونې مسوول دندې او کمیسون ته د شکایت کولو او هغه ته د رسیده ګۍ په اړه د پریزینټېشن په لړ کې لازم معلومات ورکړل.
او د ګډونوالو پوښتنو ته ځوابونه وویل شول.
