د خپلواکۍ ورځ مو مبارک!
اطلاعاتو ته د لاسرسي کمېسيون مشرتابه او کارکوونکي، د هېواد د آزادۍ (۱۰۱) مې کليزې مبارکي د افغانستان آزاد ملت او دولت ته د زړه له تله وايي.
څرنګه چې د هېواد د بقا او خپلواکۍ ساتلو لپاره څومره نظامي قوتونو او منظمې اردو ته اړتيا ده؛ په هماغه کچه روڼتيا او ملت ته د دولت حساب ورکول اصل هم اړين دی. څومره چې روڼتيا او اطلاعاتو ته لاسرسی ډېر وي په هماغه کچه له دولت څخه د وګړو رضايت ډېر او په ښې حکومتوالۍ کې د وګړو ګډون ته زمينه برابرېږي.
په ديموکراتيکو نظامونو کې د هېواد د آزادۍ ساتنه، له دولت څخه د ملت د رضايت په مانا ده. د خپلواکۍ لمانځل هغه وخت مانا لري کله چې دولت څخه ملت رازي شي. له دولت څخه د ملت رضايت د باور په مانا دی چې د دولت لخوا د روڼتيا او ملت ته د حساب ورکولو سره تامېن کېږي او په دې برخه کې اطلاعاتو ته د لاسرسي حق تامينول کولای شي د دولت د کړنو په برخه کې د باور رول پياوړی کړي.
يو ځل بيا اطلاعاتو ته د لاسرسي کمېسيون مشرتابه او کارکوونکي، اطلاعاتو ته د لاسرسي حق تامينولو په ټينګار سره، دا د وياړ څخه ډکه ورځ د افغانستان آزاد ملت او دولت ته په ځانګړي ډول هغو کسانو ته مبارک وايي چې د روڼتيا او اطلاعاتو ته د لاسرسي قانون په رڼا کې د فساد پر وړاندې مبارزې کې د هېواد خپلواکۍ ساتلو لپاره کوښښ کوي.
