د افغان ښځو شبکې همغږۍ ناسته کې اطلاعاتو ته د لاسرسي آنلاین سېستم تشریح
اطلاعاتو ته د لاسرسي کمېسیون، اطلاعاتو ته د لاسرسي آنلاین سېسم په اړه د پوهاوي په پار ځانګړي پروګرامونه په پام کې نیولي؛ ترڅو د دې سېستم په اړه د پوهاوي کچه لوړه او په پایله کې له یاد سېستم څخه هېوادوال په آسانۍ اطلاعات ترلاسه کړي.
نو پر همدې بنسټ د افغان ښځو شبکې همغږۍ ناسته کې ګډونوالو ته اطلاعاتو ته د لاسرسي آنلاین سېستم په هر اړخیز ډول تشریح شو.
لومړی اطلاعاتو ته د لاسرسي کمېسیون تخنیکي سلاکار او د عامه پوهاوي آمر ښاغلي ولي الله مصباح، اطلاعاتو ته د لاسرسي آنلاین سېستم ټولې برخې په آنلاین ډول توضیح او همدارنګه د اطلاعات غوښتلو او اطلاعات ورکولو څرنګوالي باندې عملي کار وشو.
په پای کې د ګډونوالو پوښتنو ته د ځواب سربېره د دوی آندونه او وړاندیزونه هم واورېدل شول.
