اطلاعاتو ته د لاسرسي حق تامین په برخه کې د ادارو لخوا هر ډول اقدام، ښې حکومتوالۍ ته زمینه برابروي
د ملکي خدمتونو او اداري اصلاحاتو خپلواک کمېسیون، د یو اقدام په لړ کې د ملکي خدمتونو د مامورینو د ارزونې فورم کې، د ښې حکومتوالۍ لپاره په مرکزي واحدونو (ب) کتار کې د ملکي خدمتونو مامورینو کلنۍ ارزونې لپاره اطلاعاتو ته د لاسرسي قانون پلي کول معیار ګڼلی دی؛ چې د دې پر بنسټ به د ملکي خدمتونو مامورین په خپلو کړنو کې اطلاعاتو ته د لاسرسي قانون پلي کولو څخه ځانګړې نمرې ترلاسه کوي. دا کړنه کولای شي د دولتي ادارو مسوولین او مامورین ځواب ویونکي او اطلاعاتو ته د لاسرسي قانون پلي کولو ته زمینه برابره کړي، همدارنګه ترڅنګ یې په ادارو کې شته اطلاعاتو د هېوادوالو لاسرسی اسانه کوي.
اطلاعاتو ته د لاسرسي کمېسیون، د ملکي خدمتونو او اداري اصلاحاتو خپلواک کمېسیون له دې اقدام څخه هرکلی او مننه کوي. کمېسیون هیلهمند دی چې د ټولو ادارو مسوولین د پورته اقداماتو عملي کولو لپاره اطلاعاتو ته د لاسرسي قانون په رڼا کې عملي کړنې ترسره کړي.
