اطلاعاتو ته دلاسرسي کمیسیون او د اړیکو دفتر(TLO) تر منځ هوکړه لیک

اطلاعاتو ته د لاسرسي کمیسیون د خپلو ستراتیژیکو موخو د پلي کولو په لړ کې د ۱۳۹۷ کال لیندۍ میاشت په ۱۴ مه ڼیټه د اړیکو دفتر سره د همکارۍ یو هوکړه لیک، لاسلیک کړ.
نوموړی هوکړه لیک د کمیسیون په استازیتوب د حمدالله ارباب د کمیسیون غړی او عبدالرحیم عطایی د اړیکو دفتر د مرستیال لخوا لاسلیک شو چې پر اساس یې دواړه خواوې مؤافقه لري تر څو اطلاعاتو ته د لاسرسي قانون په اړه دولتی کارکوونکو، مدني فعالانو او قومي مشرانو ته د پوهاوي پروګرامونه دایر کړي او له دې لارې اطلاعاتو ته د لاسرسي په برخه کې د دولت، مدني ټولنې او قومي مشرانو تر منځ همغږي پیاوړې شي.
دغه هوکړه لیک چې شپږ میاشتې به دوام وکړي، پر بنسټ یې د خوست، پکتیا، کنړ او ننګرهار ولایتونه کې د دولتي کارکوونکو، مدني ټولنې او قومي مشرانو تر منځ د همغږۍ ناستې تر سره کیږي او ټاکل شويده چې دوی ته د پوهاوي پروګرامونه هم دایر شي.
د يادولو وړ ده چې د اړیکو دفتر له ۲۰۰۳ کال راهیسې په افغانستان کې د سولې ښې حکومتولی، بیا رغونې، د سیمه ییز حاکمیت پراختیا او امنیت ټینګښت په برخه کې فعالیت لري.