سولې لپاره د ښوونیزې او څېړنیزې موسسې (PTRO) د سیمه ییزو دفترونو روزونکو ته اطلاعاتو ته د لاسرسي کمېسیون لخوا ښوونیز پروګرام په آنلاین ډول تر سره شو.
اطلاعاتو ته د لاسرسي کمېسیون لخوا آنلاین ښوونیز پروګرام د مجینټا دفتر په همکاري د ۱۴۰۰کال د غوايي ۲۸مه، سه شنبه ورځ، سولې لپاره د ښوونیزې او څېړنیزې موسسې (PTRO) د سیمه ییزو دفترونو ؛ کابل، ننګرهار، هرات، تخار او قندهار ولایتونو روزونکو ته ترسره شو.
په دې پروګرام کې اطلاعاتو ته د لاسرسي کمېسیون د عامه پوهاوي آمر ښاغلي خلیل جیحون، اطلاعاتو ته د لاسرسي حق په اړه خبرې وکړې، مهم مفاهیم، اطلاعاتو ته د لاسرسي قانون مواد او همدارنګه اطلاعاتو ته د لاسرسي آنلاین سېستم یې توضیح کړ. سربېره پر دې نوموړي په ولایتونو کې اطلاعاتو ته د لاسرسي دود عامولو باندې ټینګار وکړ.
