د ښځو د یووالې نړیوال ورځ (مارچ اتمه) مبارک
اطلاعاتو ته د لاسرسي کمېسیون مشرتابه او کارکوونکي؛ د هېواد پتمنو، متدینو او پیاوړو ښځو ته د مارچ اتمه، د مېرمنو نړیواله ورځ مبارک وایي.
اطلاعاتو ته د لاسرسي کمېسیون، په دې اند دی چې ښځې د ټولنې یوې مهمې برخې په توګه د برابرو حقونو او امتیازونو لرونکي دي چې خپلو حقونو ته د رسېدو لپاره یې کلونه، کلونه مبارزې کړي دي. د ښځو نړیواله ورځ، د تاریخ په سختو او حساسو حالاتو کې د دوی د مبارزو ښکارندوي کوي. افغان مېرمنو، د هېواد د تاریخ په اوږدو کې تر نورو ډېر له دې ناوړه وضعیت څخه کړېدلې دي؛ څرنګه چې په دیني متونو او د افغانستان قوانینو کې د ښځو پر وړاندې بدچلند او تاوتریخوالی حرام او منع کرځولی شوی نو اړتیا ده چې د عملي کړنو او فرهنګ سازۍ له لارې اغېزمن بدلون راولو.
کمېسیون تمه لري چې د افغانستان دولت، ملي او نړیوال بنسټونه، د بشري حقونو تامینولو په برخه کې هڅې وکړي، ترڅو د هېوادوالو بنسټیز او اساسي حقونه تامین او انساني ارزښتونه په پام کې ونیول شي.
