د صبح کابل ورځپاڼې شکایتونو ته د رسېدنې په پار اطلاعاتو ته د لاسرسي کمېسیون او د بدني روزنې ادارې سره ګډه ناسته
دا ناسته اطلاعاتو ته د لاسرسي کمېسیون غړې آغلې زهرا موسوي، شکایتونو ته د رسېدنې آمریت آمر او مسولینو، د بدني روزنې او ورزش ادارې د نشراتو رییس او د اطلاع رسونې مسوولینو په شتون کې اطلاعاتو ته د لاسرسي په کمېسیون کې ترسره شوه. په پیل کې د بدني روزنې او ورزش ادارې د نشراتو رییس او د اطلاع رسونې مسوول د یادې ادارې څخه د شوو شکایتونو او د اطلاعاتو وروستوالي په هکله دلیلونه وړاندې کړل. ورپسې آغلې زهرا موسوي، د غونډې د غړو او مقابل لوري د خبرو اورېدو وروسته د اطلاعات ورکولو او شکایتونو ته د رسېدنې په ټینګار وویل: که څه هم چې ډیر غوښتل شوي اطلاعات غوښتونکو ته ورکړل شوي دي خو هغه چې نه دي ورکړل شوي هغه هم کوم قانوني ممانعت نه لري او باید چې غوښتونکو ته ورکړل شي. په پای کې اطلاعاتو ته د لاسرسي قانون په رڼا کې پرېکړه وشوه چې غوښتل شوي اطلاعات په بشپړ ډول د غوښتونکي په خوښه غوښتونکو ته ورکړل شي. د بدني روزنې ادارې ژمنه وکړه چې د غوښتل شويو اطلاعاتو په دې برخه کې به ټاکلي وخت اجراات وکړي.
