د ولسمشرۍ ماڼۍ د چارو ادارې عمومي ریاست نوې وېبپاڼه پرانېستل شوه
د ولسمشرۍ ماڼۍ د چارو ادارې عمومي ریاست نوې وېب پاڼه، د ۱۳۹۹کال د وږي په ۳۱مه، اطلاعاتو ته د لاسرسي کمېسیون رییس ښاغلي عین الدین بهادري او کمېشنر ښاغلي حمدالله ارباب په شتون کې پرانېستل شوه. ښاغلي بهادري، د دې وېبپاڼې منځپانګه د ښې حکومتوالۍ په جوړولو کې مهم ګام وباله او ویې ویل؛ دا وېبپاڼه ټولو ادارو ته د ځواب ویلو ښه نمونه دی.
اطلاعاتو ته د لاسرسي کمېسیون، د ولسمشرۍ ماڼۍ د چارو ادارې عمومي ریاست دا کړنه، له وړاندې د اطلاعات خپرولو په برخه کې اغېزناکه بولي. اطلاعاتو ته د لاسرسي کمېسیون رییس، د چارو ادارې له عمومي ریاست مشرتابه څخه وغوښتل چې خپلو کړنو پورې اړوند اطلاعات، اطلاعاتو ته د لاسرسي قانون له معیارونو سره سم مخکې له مخکې هېوادوالو سره شریک کړي.
