د شهید رباني د ښوونې او روزنې پوهنتون رییس سره اطلاعاتو ته د لاسرسي کمېسیون مشرتابه لیدنه
اطلاعاتو ته د لاسرسي کمېسیون هڅه کوي چې د پوهنتونو له رییسانو او مشرتابه سره د لیدنو او غونډو له لارې اطلاعاتو ته د لاسرسي حق په یو اکاډمیک بحث بدل کړي؛ پر همدې بنسټ اطلاعاتو ته د لاسرسي کمېسیون مرستیالې آغلې نجیبې مرام د شهید رباني د ښوونې او روزنې پوهنتون رییسې آغلې لیلما شریفي یما سره وکتل او خبرې اترې یې وکړې.
په لیدنه کې آغلې نجیبې مرام، اطلاعاتو ته د لاسرسي کمېسیون د پېژندنې او اطلاعاتو ته د لاسرسي کمېسیون د دندو او واکونو په اړه د خبرو سربېره، په اکاډمیکو بنسټونو کې اطلاعاتو ته د لاسرسي حق تامین اړتیا او یادو بنسټونو کې اطلاعاتو ته د لاسرسي حق څخه ګټې اخیستنې په هکله وویل: « په اکاډمیکو بنسټونو کې اطلاعاتو ته د لاسرسي حق او قانون په اړه د محصلینو پوهاوی د ټولنې د برمختګ لامل کېږي». نو پر همدې اساس په دې مهمې سکالو باندې اطلاعاتو ته دلاسرسي کمېسیون د اکاډمیکو بنسټونو په همکارۍ ټینګار کوي.
اطلاعاتو ته د لاسرسي کمېسیون مرستیالې، د پرلپسې همکاریو، اطلاعاتو ته د لاسرسي حق او قانون په اړه د پروګرامونو او علمي بحثونو ترسره کولو لپاره د کمېسیون او یاد پوهنتون تر منځ د همکاریو هوکړې لاسلیک باندې ټینکار وکړ، ترڅو د هغې پر بنسټ اطلاعاتو ته د لاسرسي موخې پلې شي.
ورپسې آغلې پوهنوالې لیلما شریفي یما، اطلاعاتو ته د لاسرسي کمېسیون د کاري کړنو د ستاینې ترڅنګ وویل: «اطلاعاتو ته لاسرسی روڼتیا تامینوي؛ نو باید ټول بنسټونه اطلاعاتو ته د لاسرسي حق تامین لپاره هڅه وکړي». آغلې شریفي، د شهید رباني ښوونې او روزنې پوهنتون کې د هېڅ ډول محرم اطلاعات نشتوالي باندې ټینګار وکړ، ټول هېوادوال کولای شي چې له نوموړي پوهنتون څخه هر ډول اطلاعات وغواړي او پوهنتون په یې هم په واک کې ورکوي. همداشان د پوهنتون رییسې، اطلاعاتو ته د لاسرسي حق تامین په برخه کې د هر ډول همکاریو ډاډ ورکړ.
