د افغانستان اسلامي جمهوري ریاست لومړي مرستیالۍ محترم مقام سره اطلاعاتو ته د لاسرسي کمېسیون د مشرتابه غونډه!
نن د ۱۳۹۹کال د مرغومي ۲۵مه، اطلاعاتو ته د لاسرسي کمېسیون مشرتابه د افغاستان د ولسمشرۍ ماڼۍ لومړي مرستیال جلالتمآب ښاغلي امرالله صالح سره ولیدل. په دې لیدنه کې اطلاعاتو ته د لاسرسي کمېسیون رییس ښاغلي عین الدین بهادري، اطلاعاتو ته د لاسرسي حق او رول یې د روڼتیا او حساب ورکولو، همدارنګه یاد حق ته د رسېدو پر وړاندې شته ستونزو په اړه خبرې وکړې. نوموړي د دې حق د ښه تامین او بنسټیز کولو لپاره د یاد مقام د هر اړخیزو همکاریو غوښتونکی شو. ورپسې د افغانستان د اسلامي جمهوري دولت جلالمتآب لومړي مرستیال په امنیتي ادارو کې د اطلاعاتو او اسنادو ډلبندۍ او د دې سندونوو د محرمیت کچې په اړه خبرې وکړې او اطلاعاتو ته د لاسرسي حق بنسټیزکولو کې په برخه کې د هر ډول همکاریو او د کمېسیون د اړتیاوو پوره کولو ژمنه وکړه.
