اطلاعاتو ته د لاسرسي کمېسیون په هکله د امانت پروژې د (USAID) دفتر د ارزونې موندنې
د امانت (AMANAT) پروژې، د ستونزو د تشخیص او د ستونزو حل لپاره د مناسبې لارې پیدا کولو په پار اطلاعاتو ته د لاسرسي کمېسیون سره د خپلو همکاریو په لړ کې اطلاعاتو ته د لاسرسي کمېسیون، د کړنو، تشکیلاتو، ستراتېژۍ پلي کېدو، اړیکو او همغږیو، پلان، راپور ورکړې او په کمېسیون کې د شته ظرفیتونو په اړه خپلې سازماني ارزونې؛ د یو غونډې په لړ کې د کمېسیون غړو او آمرینو سره شریکې کړې.
دا ارزونه د امانت پروژې د سلاکارانو لخوا د یو ځانګړي میکانیزم په اساس ترسره او هڅه شوې ترڅو د پیاوړتیا او کمزورتیا ټکي پیدا او د شته ستونزو حل لپاره واضح او پلي کېدونکې وړاندیز ارایه کړي.
اطلاعاتو ته د لاسرسي کمېسیون رییس او غړو د امانت پروژې سلاکارانو د هر اړخیزې همکارۍ او هڅو د ستاینې ترڅنګ ژمنه وکړه چې د دوه اړخیزو همغږیو او همکاریو پر بنسټ به د دې ارزونې په پایله کې د شویو وړاندیزونو پلي لپاره د جامع او هر اړخیز پلان پر بنسټ عملي ګامونه واخلي.
د یادولو وړ ده چې د امانت پروژې سلاکاران، اطلاعاتو ته د لاسرسي کمېسیون او د یادې پروژې ترمنځ د یوې هوکړې په اساس ګمارل شوي دي؛ ترڅو کمېسیون سره د کارکوونکو د طرفیت لوړتیا، پلان او پالیسۍ جوړولو کې تخنیکي همکاري وکړي.
