د افغانستان اسلامي جمهوري ریاست دویم معاونیت سره اطلاعاتو ته د لاسرسي کمېسیون د مشرتابه لیدنه
اطلاعاتو ته د لاسرسي کمېسیون رییس ښاغلي عین الدین بهادري، کمېشنرې آغلې زهرا موسوي او د دارالانشا رییس ښاغلي عصمت الله حیدري د افغانستان اسلامي جمهوري ریاست دویم مرستیال ښاغلي ډاکټر محمد سرور دانش سره وکتل.
په پیل کې ښاغلي بهادري، د ولسمشرۍ ماڼۍ دویم مرستیال ته د کمېسیون د کړنو، کارونو او لاسته راوړنو په هکله توضیحات ورکړل. سربېره پر دې اطلاعاتو ته د لاسرسي حق تامین، پیاوړتیا او عامولو؛ همدارنګه اطلاعاتو ته د لاسرسي کمېسیون پروګرامونو او پلانو پلي کولو په برخه کې د افغانستان اسلامي جمهوري ریاست دویم معاونیت د همکاریو غوښتوونکی شو.
د افغانستان اسلامي جمهوري ریاست دویم مرستیال، د کمېسیون له کاري پرمختګونو خوښي څرګنده کړه او اطلاعاتو ته د لاسرسي حق تامین په برخه کې یې د کمېسیون کړنې او لاسته راوړنې د ستایلو وړ وبللې. د ولسمشر دویم مرستیال، اطلاعاتو ته د لاسرسي حق، قانون او دود عامولو، پیاړتیا په هکله د دولتي ادارو همکاري اړینه او الزامي وښوده او د کمېسیون مشرتابه ته یې ډاډ ورکړ چې د کمېسیون د پروګرامونو او پلانو پلي کولو په برخه کې به هېڅ ډول همکاري و نه سپموي.
