اطلاعاتو ته د لاسرسي کمېسیون او ملي راډیو تلویزیون ترمنځ د همکاریو هوکړې لاسلیک
اطلاعاتو ته د لاسرسي کمېسیون، اطلاعاتو ته د لاسرسي حق او قانون عامولو او دودولو په پار له رسنیو سره د ګډ کار کولو لپاره ژمن دی. پر همدې اساس اطلاعاتو ته د لاسرسي کمېسیون نن له ملي راډیو تلویزیون سره د ګډو همکاریو هوکړه لاسلیک کړه.
دا هوکړه؛ اطلاعاتو ته د لاسرسي حق او قانون دودولو او عامولو، د رسنیو له فرصتونو او امکاناتو څخه د ګټې اخیستنې، د سالمې پرمختیا او پراختیا په برخه کې د دواړو اړخونو له امکاناتو او ظرفیتونو څخه اغېزمنې استفادې، د ښې حکومتوالۍ او روڼتیا لپاره د رسنیو د کارپیاوړتیا، په هېواد کې اطلاعاتو ته د لاسرسي وضعیت ښوالی او اطلاعاتو ته د لاسرسي دود پیاوړتیا په پار د همکارۍ اصل دودول، د ښې حکومتوالۍ رامنځته کولو، فساد پر وړاندې مبارزې او د بیان ازادۍ په پام کې نیولو او د رسنیو د اطلاع رسونې وضعیت ښوالي لپاره اطلاعاتو ته د لاسرسي کمېسیون مرستیالې آغلې نجیبې مرام او د ملي راډيو تلویزیون عمومي ریاست مرستیال ښاغلي عبدالغني مدقق لخوا لاسلیک شوه.
