فساد سره د مبارزې په پار د جایزې ګټلو په تړاو پژواک خبري آژانس ته د کمېسیون د مبارکۍ پيام
فساد سره د ریښتینې مبارزې په برخه کې د پژواک خبري آژانس تولیدي کړنو ته په کتو؛ په افغانستان کې د ملګرو ملتونو پرمختیايي ادارې لخوا وستایل شو. د فساد پر وړاندې مبارزې په برخه کې د هېواد د رسنیو د ارزښتناکو کړنو ملاتړ او د رسنیو اغېزمن فعالیتونه کولای شي په ټولنه کې د بیان ازادۍ د ارزښتونو د پليکېدو لامل کېږي او له بل اړخه د ملي سرچینو په لګښت کې د ښه مدیریت باعث شي.
اطلاعاتو ته د لاسرسي کمېسیون، د څېړنیزو خبرونو جوړولو په تړاو؛ پر وخت او سمې اطلاع رسونې، فساد پر وړاندې مبارزې، د ادارو په ځواب ویلو کې د وګړو فعال او پوه ګډون مهم بولي او د هېواد له ټولو انځوریزو، غږیزو او چاپي رسنیو څخه غواړې چې اطلاعاتو ته د لاسرسي قانون د خپلو رسنیزو کړنو بنسټ او اساس وګرځوي ترڅو په ټولنه کې اطلاعاتو ته د هېوادوالو لاسرسي په پار د منظم قانون ملاتړ وکړي.
دغه کمېسیون، اطلاعاتو ته د لاسرسي دود پیاوړتیا او عامولو لپاره له ټولو مدني او رسنیزو بنسټونو سره ګډ کار ته ژمن دی ترڅو وکولای شي له دې لارې د فساد کمښت، د ځواب ورکوونکي او حساب ورکوونکي حکومت جوړښت خپل رول ادا کړي.
