اطلاعاتو ته د لاسرسي حق تامینولو لپاره د ټولنیزو او مدني بنسټونو همکاري اړینه ده
اطلاعاتو ته د لاسرسي حق چې د هېوادوالو له بنسټزو حقونو څخه ده د دې حق ضمانت د افغانستان اساسي قانون کې تسجیل شوی دی. اطلاعاتو ته د لاسرسي فلسفه د روڼتیا تامین، فساد پر وړاندې مبارزه، په حکومتوالۍ کې د وګړو ګډون او حساب دي. له همدې امله اړتیا ده چې هېواوال، مدني او ټولنیز بنسټونه په کنشي ډول له دې حق څخه ګته واخلي او د هېواد پرمختیا لپاره، اطلاعاتو ته د لاسرسي دود پیاوړتیا،عامولو، د ادارو ځواب ویلو او د روڼتیا تامینولو کې ګډون وکړي.
د همدې چارې لپاره د (ځلاند افغان فرهنګي) بنسټ په رضاکارنه توګه اطلاعاتو ته د لاسرسي دود پیاوړتیا او عامولو لپاره په فعالانه ډول د ننګرهار ولایت کامې ولسوالۍ کې اطلاعاتو ته د لاسرسي حق او قانون په هکله د پوهاوي پروګرامونه پیل کړي دي.
نوموړي بنسټ دې لومړي ځل لپاره د ۱۳۹۹کال د لیندۍ په ۱۶مه، یکشنبه په ورځ؛ ۳۲تنه ښځو، محصلانو، شاګردانو او د کامې ولسوالۍ د پراختیایي شورا غړو په شتون کې اطلاعاتو ته د لاسرسي حق او قانون په هکله د پوهاوي پروګرام ترسره کړ.
اطلاعاتو ته د لاسرسي کمېسیون مشرتابه د (ځلاند افغان فرهنګي) بنسټ مسوول ښاغلي سید اصغر ساحل له دې نیک اقدام څخه مننه کوي او د دې بنسټ غړو ته د هيوادني رسالت ترسره کولو په پار د خدای (ج) له دربار څخه د بریا دعا کوي.
