د کمېسيون د ډرېور مرحوم«محمد عمر» د شهادت په مناسبت اطلاعاتو ته د لاسرسي کمېسيون د غمشریکۍ پیغام
په ډېري خواشينۍ سره نن سهار اطلاعاتو ته د لاسرسي کمېسيون د کمېشنر ښاغلي حمدالله ارباب ډرېور شهيد محمد عمر د يو تروريستي حملې په پايله کې په شهادت ورسېد.
اطلاعاتو ته د لاسرسي کمېسيون خپل د غمشریکۍ مراتب د شهيد محمد عمر له درنې کورنۍ او خپلوانو سره شريکوي، کمېسيون خپل ځان د هغوی په غم کې شريک بولي او د خدای (ج) له دربار څخه شهيد محمد عمر ته د جنت الفردوس غوښتنه کوي.
شهيد محمد عمر د ډېر کم وخت را په دېخوا اطلاعاتو ته د لاسرسي کمېسيون ډېور ګمارل شوی و. هغه يو دروند او حوصله ناک شخص و، په ډېرې ريښتينولۍ، ايماندارۍ، انساني ارزښتونو او اصولو په رڼا کې يې خپله دنده ترسره کوله. دې داسې یو باشخصيته او درانده کس نشتون د کمېسيون لپاره يو لويه ضايع ده او تل يې ځای زموږ لپاره خالي دی.
