د ملي احصایې او معلوماتو ادارې د رییس او ملي دفاع وزارت سرپرست د کسر معاش په هکله اطلاعاتو ته د لاسرسي کمېسیون د پرېکړې خبري ناسته
اطلاعاتو ته د لاسرسي کمېسیون، د یو خبري ناستې په لړ کې د ملي احصایې او معلوماتو ادارې رییس او ملي دفاع وزارت سرپرست چې اطلاعات روز ورځپاڼې او پژواک خبري اژانس ته یې اطلاعات نه و ورکړي د کسر معاش پرېکړه اعلان کړه.
په یاده پرېکړه کې د ملي دفاع وزارت سرپرست اسدالله خالد او د ملي احصایې او معلوماتو ادارې رییس احمد جاوید رسولي ته د یوې میاشتې (تلې میاشتې) د کسر معاش وړاندیز شوی دی.
په دې خبري ناسته کې اطلاعاتو ته د لاسرسي کمېسیون رییس ښاغلي عین الدین بهادري، د فساد پر وړاندې مبارزې او د روڼتیا په برخه کې اطلاعاتو ته لاسرسی له بنسټیزو اړتیاوو څخه وګاڼه او زیاته یې کړه په ټوله کې د افغانستان د دولت دموکراسي؛ ازادي بیان او د اطلاعاتو دوران پورې تړاو لري. ښاغلي بهادري پرته د ازادو او دوراني اطلاعاتو ښه حکومتوالي ناشوني وبلله.
ورپسې د کمېسیون مرستیالې آغلې نجیبې مرام وویل؛ ادارې نظر قانون ته مکلفې دي چې اطلاعات له وړاندې خپاره کړي تر څو هېوادوالو ته اطلاعاتو ته د لاسرسي پروسه اسانه شي.
اطلاعاتو ته د لاسرسي کمېسیون کمېشنر او منشي ښاغلي حمدالله ارباب، د یو تن خبریال د پوښتنې په ځواب کې د کمېسیون د پرېکړو د پلي کېدو څخه د ډاډمنتیا په پار وویل؛ موږ به د خپلو پرېکړو پلي کېدو په برخه کې له ټولو قانوني صلاحیتونو څخه استفاده وکړو.
همداشان اطلاعاتو ته د لاسرسي کمېسیون کمېشنرې آغلې زهرا موسوي وویل، اطلاعاتو ته د لاسرسي قانون شپاړسمې مادې تفسیر یواځې د کمېسیون قانوني صلاحیتونو څخه دی او بله هېڅ اداره حق نه لري چې اطلاعاتو ته د لاسرسي قانون تفسیر کړي.
په پای کې د خبریالانو ټولو پوښتنو ته د کمېسیون د مشرتابه لخوا ځوابونه وویل شول.
