د ادارو لخوا هېوادوالو ته د اطلاع رسونې بهیر په تړاو بحث او د انلاین سېستم ښوونه
د ادارو لخوا هېوادوالو ته د اطلاع رسونې بهیر بانددې بحث او د انلاین سېستم ښوونې پروګرام اطلاعاتو ته د لاسرسۍ کمېسیون غړي ښاغلي حمدالله ارباب، د سیمه ییزو ارګانونو، د کلو او پراختیا، کډوالو چارو، احصایې او معلوماتو د اطلاع رسونې مرجع مسوولینو په شتون کې تر سره شو.
په پیل کې ښاغلي حمدالله ارباب، اطلاعاتو ته دلاسرسي انلاین سېستم او د هغه په ګټو په تړاو خبرې وکړې. اطلاعاتو ته لاسرسی یې د هېوادوالو له بنسټیزو حقونو څخه وګاڼه او پر همدې بنسټ وګړي حق لري چې له ادارو څخه مختلف اطلاعات وغواړي؛ همدارنګه د یادولو وړ ده چې غوښتونکي د اطلاعات غوښتلو په وخت کې د دلیل وړاندې کولو او خپلو ځانګړنو ارایه کول باندې مکلف نه دي. اطلاعاتو ته د لاسرسي قانون په رڼا کې اداري باید غوښتل شوي اطلاعات د قانون حکمونو سره سم غوښتونکي ته ورکړي.
ورپسې اطلاعاتو ته د لاسرسي کمېسیون د وېبپاڼې مسوول د يادو ادارو د اطلاع رسونې مرجع مسوولینو ته د یاد سېستم څخه د ګټه اخیستنې، اطلاعات غوښتلو، زمانبندي، اطلاعات ورکولو او د دې سېستم له لارې شکايت ثبتولو په اړه اړین توضحیات ورکړل.
