د حميدې برمکي موسسې له رييس سره اطلاعاتو ته د لاسرسي کمېسيون د مشرتابه ناسته
دا ناسته اطلاعاتو ته د لاسرسي کمېسيون رييس ښاغلي عين الدين بهادري، غړې آغلې زهرا موسوي، د دارالانشا رييس ښاغلي عصمت الله حيدري، د مدني ټولنې فعال ښاغلي سيد حمید ضيا او د حميدې برمکي موسسې رييس په شتون کې ترسره شوه.
په پيل کې ښاغلي عين الدين بهادري، اطلاعاتو ته د لاسرسي کمېسيون د رامنځته کیدو، کړنو، قانون او اطلاعاتو ته د لاسرسي په وضعيت باندې خبرې وکړې او د حميدې برمکي موسسې د مسوولينو څخه يې اطلاعاتو ته د لاسرسي قانون په تړاو د کابل او ولایتونو په کچه د پوهاوي پروګرامونو جوړولو د وړانديز په تړاو هرکلی وکړ.
ښاغلي بهادري، د ښوونيز موادو، اطلاعاتو ته د لاسرسي قانون په اړه د پرېزينټيشن او اطلاعاتو ته د لاسرسي قانون په تړاو د تبليغاتي موادواو د کمېسيون د مسلکي څانګو لخوا د يادې موسسې زده کړيالانو ته د ښوونيزو شرايطو برابرولو ډاډ ورکړ
ورپسې ښاغلي سيد حمید ضيا، له دولتي بنسټونو سره د پوهاوي په برخه کې د خپلو پروګرامونو په اړه لنډ معلومات وړاندې کړل او په ۳۴ ولايتونو کې د ولايتي شوراګانو غړو، مدني ټولنو، د ښځو فعالانو، ځوانانو او د بشر حقونو فعالانو ته اطلاعاتو ته د لاسرسي قانون په تړاو د ښوونيزو پروګرامونو په جوړولو خبرې وکړې.
په پای کې دواړو خواوو د ګډو موخو پرخ وړلو لپاره د هوکړه ليک په لاسليک باندې هوکړه وکړه.
