د میک کمېټې د سپارښتنو د پلي کیدو څخه د راپور ورکړې په برخه کې د پرمختګ په پروګرام کې د کمېسیون د مشرتابه پلاوي ګډون
اطلاعاتو ته د لاسرسي کمېسیون، د روڼتیا او فساد پر وړاندې مبارزې په برخه کې د هر ډول کړنو او اقداماتو ملاتړ کوي. له همدې امله اطلاعاتو ته د لاسرسي کمېسیون کمېشنر ښاغلي حمدالله ارباب د میک کمېټې د سپارښتنو د پلي کیدو څخه د راپور ورکړې په برخه کې د پرمختګ په پروګرام کې د ملي تدارکاتو په اداره کې ګډون وکړ. ښاغلي ارباب، د تدارکاتو ملي اداره کې د ځواب ویلو او روڼتیا تر څنګ د ملي اقتصاد په پرمختګ باندې خبرې وکړې او ټینګار یې وکړ چې په ټولو تدارکاتي پروسو کې اطلاعاتو ته د لاسرسي قانون د حکمونو په رڼا کې، دقیقه او پر وخت اطلاع رساني تر سره شي تر څو له دې لارې د خلاصې حکومتوالۍ لړۍ پیاوړې شي.
همداشان د ملي تدارکاتو ادارې رییس ښاغلي الهام عمر هوتکي، په ټولو تدارکاتي پروسو کې روڼتیا باندې ټینګار وکړ او ټولو تدارکاتي پروسو کې یې د رسنیو او خلکو لاسرسي په تړاو ډاډ ورکړ.
