منن لیک!
اطلاعاتو ته د لاسرسي کمېسیون، اطلاعاتو ته د لاسرسي قانون پلي کولو او اطلاعاتو ته د وګړو لاسرسي په برخه کې هر ډول اسانتیاو او کړنې تر سره کول ستایي او ملاتړ یې کوي.
د افغانستان اسلامي جمهوري دولت لوې څارنوالي، اطلاعاتو ته د لاسرسي قانون پلي کولو او اطلاعاتو ته د وګړو لاسرسي په موخه، د ۱۳۹۹مالي کال په تشکیل کې یې د اطلاع رسونې مرجع عمومي مدیریت رامنځته کړی دی. اطلاعاتو ته د لاسرسي کمېسیون د افغانستان اسلامي جمهوریت دولت لوې څارنوالۍ دا نیک اقدام او کړنه ستایي.
د لوې څارنوالۍ د اطلاع رسونې مرجع عمومي مدیریت تشکیل په لاندې ډول دی:
۱ –د اطلاع رسونې مرجع عمومي مدیریت، (۴) بست؛
۲ –د اطلاعاتو راټولونې او تحلیل کارپوه، (۴(بست؛
۳ –د اطلاعاتو حقوقي کارپوه، (۴) بست؛
۴ –د اطلاعاتو د ارشیف مدیر، (۵) بست؛
اطلاعاتو ته د لاسرسي کمېسیون، له ټولو ادارو غواړي چې د لوې څارنوالۍ دغه نیک او ښه کړنه اطلاعاتو ته د لاسرسي حق دود بنسټیز کولو لپاره خپله الګو وګرځوي.
