د سیمه ییزو ارګانو خپلواکې ادارې د ښاروالیو مرستیالۍ له کړنو څخه اطلاعاتو ته د لاسرسي کمېسیون د مننې پیام
په ټولنه کې اطلاعاتو ته د لاسرسي قانون حق پلي کول د ټولو دولتي، مدني بنسټونو او رسنیو زیار او کوښښونو پورې تړاو لري. په دې وروستیو کې د سیمه ییزو ارګانو خپلواکې ادارې د ښاروالیو مرستیالۍ، ټولو اړوندو بنسټونو ته د یو مکتوب له لارې هدایت ورکړی چې اطلاعاتو ته د لاسرسي قانون په پلي کولو او هېوادوالو ته د اطلاعاتو ته د لاسرسي په برخه کې ښه زمینه برابره کړي. د ښاروالیو او وګړو تر منځ د باورلا زیاتېدو لپاره د کیفیت لرونکو خدمتونو، د فقر کمښت، د تل پاتې اقتصاد پیاوړي کول او د صنعت پرمختګ کې عملي ګامونه د حقوقي معیارونو په پام کې نیولو تر سره کړي.
د سیمه ییزو ارګانو خپلواکې ادارې د ښاروالیو مرستیالۍ دغه ګام د ښې حکومتوالۍ په اړه د یادې اداري باورمندي اطلاعاتو ته د لاسرسي په برخه کې ښکاره کوي او کولای شي د روڼتیا په رامنځته کولو او په دولتي بنسټونو کې د ځواب ورکول کچه لوړه کړي .
اطلاعاتو ته د لاسرسي کمېسیون، اطلاعاتو ته د لاسرسي قانون پلي کولو په برخه کې د یادې ادارې له مشرتابه او کاارکوونکوڅخه مننه کوي او له ټولو ادارو څخه غواړي یادې ادارې ته ورته ګامونه اطلاعاتو ته د لاسرسي دود پیاوړي کولو په برخه کې په خپلو ادارو کې تر سره کړي او د ځواب ورکوونکي دولت په جوړولو کې مرسته وکړي.
