اطلاعاتو ته د لاسرسي کمېسیون د دارالانشا ریاست لپاره د ازموینې اخیستل
۱۳۹۸، د سلواغې ۲۸، چهارشنبه
اطلاعاتو ته د لاسرسي کمېسیون کې د دارالانشا ریاست لپاره ازموینه واخیستل شوه. دا ازموینه د کمېسیون رییس، د کمېسیون غړو او د روڼتیا څار ادارې استازي په شتون کې واخیستل شوه. د یادولو وړ ده چې کمېسیون له دوه ادارو، د افغانستان له روڼتیا څار ادارې او د افغانستان ژورنالېستانو فدراسیون څخه د ازموینې څار لپاره غوښتنه کړې وه چې د روڼیتا څار ادارې په استازولۍ ښاغلی عرفان ارزاز راغلی وه او د افغانستان ژورنالیستانو فدراسیون په استازولۍ ښاغلی پویا غوره شوی وه، چې په دې پروسه کې یې شتون نه درلود.
د ټولو نوماندانو له ډلې ۱۲ کسان د دې ازموینې لپاره واجد د شرایطو ګڼل شوي وه. له دې ډلې یو کس د يولړ دلیلونو له امله په ازموینه کې ګډون ونکړ او یو بل یې له وړاندې په ازموینه کې له ګډون کولو ډډه کړې وه. په پایله کې ۱۰ تنو ازموینه کې برخه واخیسته او د دوی له ډلې ۳ کسان د کمېسیون لخوا بریالي وګڼل
شوه. کمېسیون ۳ کسان د عنواني منظورۍ لپاره د ولسمشرۍ عالي مقام ته وړاندیز کوي. اطلاعاتو ته د لاسرسي قانون حکم په اساس، د افغانستان اسلامي جمهوریت جمهور رییس جلالتماب محمد اشرف غني له دې ۳ کسانو يو یې اطلاعاتو ته د لاسرسي کمېسیون د دارالانشا ریاست په ټوګه منظوروي.
د یادولو وړ ده چې د لا روڼتیا لپاره، د ازموینې دا تحریري او مصاحبوي پروسه په یوه کاري ورځ کې تر سره شوه.
