اداري اصلاحاتو او ملکي خدمتونو خپلواک کمېسیون کې اطلاعاتو ته د لاسرسي حق او قانون پوهاوي پروګرام
دا پروګرام د اداري اصلاحاتو او ملکي خدمتونو خپلواک کمېسیون آمرینو او کارکوونکو، اطلاعاتو ته د لاسرسي کمېسیون حقوقي سلاکار ښاغلي محمد حسن پویا، د عامه پوهاوي کارپوه ښاغلي جعفر ایشاني په شتون کې اطلاعاتو ته د لاسرسي حق او قانون په هکله د پوهاوي کچې لوړتیا او په اداري اصلاحاتو او ملکي خدمتونو خپلواک کمېسیون د اطلاع رسونې آسانتیا په موخه ترسره شو.
په پیل کې د اداري اصلاحاتو او ملکي خدمتونو خپلواک کمېسیون د عامه اړیکو او اطلاعاتو ته د لاسرسي آمر ښاغلي کفایت الله عبادي، د سکالو په اړه خبرې وکړې ویې ویل: اطلاعاتو ته لاسرسی یو بشري حق او د ډیموکراتیکو نظامونو له مؤلفو څخه دی. نوموړي اطلاعاتو ته د لاسرسي وضعیت ښوالي باندې ټینګار وکړ او غوښتونکو ته پر وخت اطلاعات ورکړې څخه یې ډاډ ورکړ.
په پای کې ښاغلي ایشاني، د یو پرېزېنټېشن له لارې اطلاعاتو ته د لاسرسي قانون؛ اطلاعاتو ته د لاسرسي اهمیت او مبنا، د کمېسیون کړنو، اطلاعاتو ته د لاسرسي قانون موخو، اطلاعاتو ته د لاسرسي قانون مبنا، د کمېسیون دندو او واکونو، د کلنیو اطلاعاتو خپرولو او د اطلاع رسونې مرجع جوړولو په هکله د ادارو مکلفیت، د اطلاع رسونې مرجع دندو، په ښه نیت او فساد پر وړانډې مبارزې په موخه د اطلاعاتو افشا کوونکي ملاتړ او اطلاعاتو ته د لاسرسي آنلاین سېستم په هکله ګډونوالو ته معلومات ورکړل.
همدارنګه ښاغلي محمد حسن پویا، د ګډونوالو پوښتنو ته ځوابونه وویل شول.
