اطلاعاتو ته د لاسرسي وضعیت څېړلو په پار د ادارو څارنه
اطلاعاتو ته د لاسرسي قانون پلي کولو څرنګوالي په برخه کې د ادارو کړنې څارل، اطلاعاتو ته د لاسرسي کمېسیون له اساسي دندو څخه دي. یاد کمېسیون د قانون او شته کړنلارو په رڼا کې د ادارو لخوا هېوادوالو ته اطلاعاتو ته د لاسرسي حق تامین په موخه د اطلاع رسونې لار او طریقې څاري.
نو پر همدې اساس اطلاعاتو ته د لاسرسي کمېسیون د څارنې او ارزونې آمریت، د یو منظم پلان پر بنسټ د ۱۴۰۰کال د غوایي میاشتې ۴ نېټې راپدېخوا د ۶۷ ادارو له ډلې ۳۵ ادارو څخه څارنه کړې، همداشان پاتې هغه به یې هم د یاد پلان پر بنسټ وڅارل شي. د دې څارنې د راپور وروستۍ پایلې او ارزونې به اصلاحي سفارښتنو سره یو ځای له اړوندو ادارو، رسنیو او د هېواد ټولو عامو وګړو سره له مختلفو لارو شریک شي.
