بدخشان او تخار ولایت کې قانون حاکمیت لپاره د حمیدې برمکي موسسې لخوا اطلاعاتو ته د لاسرسي حق او قانون په هکله د پوهاوي پروګرام
اطلاعاتو ته د لاسرسي کمېسیون او د قانون حاکمیت لپاره د حمیدې برمکي موسسې ترمنځ د همکاریو هوکړې، چې اطلاعاتو ته د لاسرسي دود عامولو او پیاوړتیا په پار شوې؛په همدې اساس یادې موسسې تخار او بدخشان ولایتونو کې د سیمه ییزو ادارو مسوولینو، مدني او ټولنیزو فعالانو ۷۰ تنو ګډونوالو ته اطلاعاتو ته د لاسرسي حق او قانون په هکله د پوهاوي پروګرام ترسره کړ.
اطلاعاتو ته د لاسرسي کمېسیون په دې آند دی چې اطلاعاتو ته د لاسرسي دود عامول او پیاوړتیا، د یوې پیاوړې او پرمختللې ټولنې همدارنګه د ټولنې واقعیتونو پر وړاندې د مناسب غبرګون لپاره اغېزمنه لار دی؛ دا مهمه او حیاتي سکالو په ټولنه کې د ټولنې ثبات لپاره د ډلو او مختلفو ټولنیزو بنسټونو ترمنځ د تلپاتې همکاریو په پایله کې شونې ده
دا په داسې حال کې ده چې یاده موسسه، د افغانستان اساسي قانون تشریح او توضیح درې ورځینې پروګرام په چوکاټ کې د دې پروګرام ګډونوالو ته په ټولو ولایتونو کې اطلاعاتو ته د لاسرسي قانون په هکله هم پوهاوی ورکړي.
کمېسیون، د قانون حاکمیت لپاره د حمیدې برمکي محترمې موسسې څخه اطلاعاتو ته د لاسرسي حق او قانون دود عامولو او پیاوړتیا په برخه کې د هر اړخیزو همکاریو مننه کوي.
