د کرنې، مالدارۍ او اوبولګونې وزارت ویاند سره اطلاعاتو ته د لاسرسي کمېسیون مشرتابه لیدنه
دا ناسته اطلاعاتو ته د لاسرسي کمېسیون کمېشنر ښاغلي حمدالله ارباب، د عامه پوهاوي آمر ښاغلي خلیل جیحون په شتون کې د کرنې، مالدارۍ او اوبولګونې وزارت ویاند ښاغلي اکبر رستمي سره د ګډو همکاریو، د اطلاع رسونې مرجع مسوولینو پیاوړتیا، کرنې، مالدارۍ او اوبولګونې وزارت او ولایتي ریاستونو کې اطلاعاتو ته د لاسرسي حق تامینولو په پار ترسره شوه.
په دې ناسته کې ښاغلی اکبري، د یاد وزارت ولایتي ریاستونو کې اطلاعاتو ته د لاسرسي حق په اړه د پروګرامونو او اطلاعاتو ته د لاسرسي آنلاین سېستم څخه د ګټې اخیستنې ښوونیز پروګرام ترسره کولو کې د کمېسیون د همکاریو غوښتوونکی شو.
په دې لیدنه کې ښاغلي ارباب، د یاد وزارت لخوا اطلاعاتو ته د لاسرسي آنلاین سېستم څخه د ګټې اخیستنې په اړه د ښوونیزو پروګرامونو ترسره کولو په برخه د کمېسیون هر اړخیزو همکاریو ډاډ ورکړ.
په پای کې دواړو اړخونو هوکړه وکړه چې د کرنې، مالدارۍ او اوبو لګونې وزارت به د ولایتونو اطلاع رسونې مرجع مسوولین مرکز ته راغواړي او د یو بل په همکارۍ به پروګرام ورته ترسره کړي، همدرانګه د کرنې، مالدارۍ او اوبولګونې وزارت ولایتي اطلاع رسونې مسوولینو ته په آنلاین سېستم کې د ګټې اخیستنې یوزر جوړ شي. ترڅو غوښتوونکي وکړای شي په ساده ډول د یاد وزارت له ولایتي ریاستونو څخه په آنلاین ډول اطلاعات وغواړي.
