د افغانستان بنسټیزې روڼتیا نوښت (CoST) سره اطلاعاتو ته د لاسرسي کمېسیون غونډه
ټاکل شوې د افغانستان بنسټیزې روڼتیا نوښت (CoST)، په بنسټیزو سکتورنو کې د روڼتیا شاخصونو لپاره؛ په تدارکاتي پروژو کې د بنسټیزې روڼتیا او ځواب ویلو کچې معلومولو په پار پلي کېږي.
د همدې لپاره د افغانستان بنسټیزې روڼتیا نوښت او اطلاعاتو ته د لاسرسي کمېسیون ترمنځ، په افغانستان کې د بنسټیزې روڼتیا شاخصونو آزمایښتي پلي کېدو او په دې برخه کې د دوه اړخیزو همکاریو غونډه اطلاعاتو ته د لاسرسي کمېسیون غړي او منشي ښاغلي حمدالله ارباب او د (CoST) بنسټ تخنیکي ټیم په شتون کې اطلاعاتو ته د لاسرسي کمېسیون په دفتر کې ترسره شوه.
د دې غونډې په پیل کې د یاد بنسټ تخنیکي ټیم د دې بنسټ تاریخچې، د کړنو پیل او موخو په اړه خبرې وکړې او د یو پرېزېنټېشن په وړاندې کولو یې د بنسټیزې روڼتیا شاخصونو په اړه چې؛ د روڼتیا او ځواب ویلو ته مناسب محیط، د پروسو او بنسټونو ظرفیت، د وګړو ګډون او د اطلاعات خپرول لرونکی وه، معلومات وړاندې کړل.
ورپسې په افغانستان کې د روڼتیا بنسټیزو شاخصونو پلي کولو او اطلاعاتو ته د لاسرسي قانون څخه د ګټې اخیستنې پر وړاندې ستونزو او دوه اړخیزو همکاریو باندې د آندونو تبادله اوبحث وشو، چې په دې برخه کې د کمېسیون وړاندیزونه او آندونه، ښاغلي حمدالله ارباب په واضح ډول ارایه او له یاد بنسټ سره د دوه اړخیزو همکاريو باندې یې ټینګار وکړ.
