اطلاعاتو ته د لاسرسي کمېسیون او د امانت پروژې ترمنځ د هوکړې لاسلیک
اطلاعاتو ته د لاسرسي کمېسیون، د کمېسیون د بنسټيز ظرفیت جوړولو لپاره؛ د اړینو شرایطو برابرولو، اطلاعاتو ته د لاسرسي قانون پیاوړتیا او پلي کولو په موخه له امانت پروژې سره د همکارۍ هوکړه لیک لاسلیک کړ.
د امریکا د ملګرو ملتونو پرمختیایي نړیوالې ادارې له پروګرامونو څخه یو هم «روڼتیا او حساب ورکولو لپاره د افغانستان اقدام»(AMANAT) دی؛ چې د عامه خدمتونو وړاندې کولو کې د افغانستان د حکومت او غیرې دولتي بنسټونو کې د فساد مخنیوي باندې تمرکز کوي.
د امانت پروژه، د دې هوکړې پر بنسټ د کمېسیون د سازماني ظرفیت لوړتیا په پار؛ دوه سلاکاران ګماري. د دوه سلاکارانو د ګمارنې سربېره نوموړې پروژه ژمنه ده چې اطلاعاتو ته د لاسرسي دود پیاوړتیا او عامولو په برخه کې د کمېسیون تخنیکي ملاتړ وکړي.
د امانت پروژې ټولې تخنیکي او سازماني همکارۍ به اطلاعاتو ته د لاسرسي کمېسیون په همغږۍ ترسره کېږي.
