اطلاعاتو ته د لاسرسي کمېسیون، د روڼتیا نړیوال سازمان لخوا د ۲۰۲۰کال فساد پر وړاندې مبارزې جایزه ګټلو په مناسبت ښاغلي ذکي دریابي او اطلاعات روز ورځپاڼې ته د مبارکۍ پیام
اطلاعاتو ته د لاسرسي کمېسیون، د روڼتیا نړیوال سازمان لخوا، د ۲۰۲۰کال د فساد پر وړاندې مبارزې جایزه ګټل؛ ښاغلي ذکي دریابي، اطلاعات روز ورځپاڼې او همدارنګه د افغانستان رسنیو ټولنې ته مبارکي وایي، همداشان د اطلاعات روز ورځپاڼې د څېړنیزو خبریالانو ټیم ته د اطلاع رسونې او د فساد پر وړاندې مبارزې په برخه کې د بریا غوښتنه کوي.
اطلاعاتو ته د لاسرسي کمېسیون باور لري، په اوسنیو ټولنو کې د فساد پر وړاندې مبارزې په برخه کې د تخصصي ورځپاڼو، اطلاعاتو ته د لاسرسي حق تامین او د بیان آزادۍ رول له ښه او غوره اهمیت څخه برخمن دی. له همدې امله د فساد پر وړاندې مبارزې، د روڼتیا تامین او فعال ګډون لپاره د هېوادوالو د پوهاوي کچې لوړولو په برخه کې د رسنیو هر اړخیز ملاتړ مهم او حیاتي ګڼي.
اطلاعاتو ته د لاسرسي کمېسیون، له ټولو رسنیو غواړي چې اطلاعاتو ته د لاسرسي حق عامولو او په کلتور اړولو، اطلاعاتو ته د لاسرسي قانون په رڼا کې د فساد پر وړاندې مبارزې لپاره اساسي او بنسټیز ګامونه واخلي. همدارنګه دوی د اطلاعاتو افشا کوونکو څخه خپل ملاتړ بیان او اطلاعاتو ته د لاسرسي حق تامینولو تعقیب باندې یې ټینګار کوي.
