پنجشیر ولایت کې اطلاعاتو ته د لاسرسي حق او قانون په هکله د پوهاوي پروګرام
پنجشیر ولایت کې اطلاعاتو ته د لاسرسي حق او قانون په هکله د پوهاوي پروګرام، اطلاعاتو ته د لاسرسي کمېسیون لخوا د حمیدې برمکي موسسې په همکارۍ، د ولایتي شورا غړو، د دولتي ادارو استازو او مدني بنسټونو په شتون کې، د ۱۳۹۹کال د لړم په ۲۸مه، چهارشنبه ورځ ترسره شو.
په دې پروګرام کې اطلاعاتو ته د لاسرسي کمېسیون لخوا، د عامه پوهاوي آمر ښاغلي خلیل جیحون او د ولایتي اړیکو آمر ښاغلي محمد داوود فیاض شتون درلود؛ دوی دې یو پرېزېنټېشن په واسطه په ښې حکومتوالۍ او د فساد پر وړاندې مبارزې په برخه کې اطلاعاتو ته د لاسرسي حق او قانون څخه د ګټې اخیستنې، اطلاعاتو ته د لاسرسي حق مبنا، اطلاعاتو ته د لاسرسي قانون موخو، اطلاعاتو ته د لاسرسي قانون مبنا، د کمېسیون دندو او واکونو، د کلنیو اطلاعات خپرولو او د اطلاع رسونې مرجع رامنځته کولو کې د ادارو مکلفیت، د اطلاع رسونې مرجع مسوول دندو، د فساد مخنیوي او په ښه نیت د اطلاعاتو افشا کوونکي خوندیتوب او اطلاعاتو ته د لاسرسي انلاین سېستم په هکله هر اړخیز او مفصل معلومات ارایه کړل. په پای کې د ګډونوالو پوښتنو ته ځوابونه ورکړل شول.
د قانون حاکمیت لپاره طلاعاتو ته د لاسرسي کمېسیون او د حمیدې برمکي موسسې ترمنځ د هوکړه لیک پر بنسټ؛ د افغانستان اساسي قانون په هکله درې ورځینو پروګرامونو کې، اطلاعاتو ته د لاسرسي حق او قانون په هکله د پوهاوي پروګرامونه ترسره کړي.
