د څېړنیز ژورنالیزم او خبریالانو پر وړاندې فساد،۲۰ ورځېنې ورکشاپ پایغونډه کې اطلاعاتو ته د لاسرسي کمېسیون مرستیالې آغلې نجیبې مرام ګډون
د څېړنیز ژورنالیزم او فساد پر وړاندې مبارزې تر نوم لاندې ۲۰ ورځېنی ښوونیز پروګرام، د امریکا متحده ایالاتو نړیوالې پرمختیایي ادارې په مالي مرسته د فریاد تلویزیون لخوا د شپږو ولایتونو ۲۰ خبریالانو ته په کابل کې ترسره شوه.
د کمېسیون مرستیالې آغلې نجیبې مرام چې په دې پروګرام کې ګډون کړی وه، په څېړنیز ژورنالیزم کې اطلاعاتو ته د لاسرسي رول باندې خبرې کولې وویل:« د څېړنیز راپور لیکل پرته له اطلاعاتو ناشوني دي؛ د څېړنیز ژورنالیزم پیاوړتیا او د فساد پر وړاندې جدې مبارزه، اطلاعاتو ته د لاسرسي حق تامینولو پورې مستقیمه اړیکه لري».
ورپسې آغلې مرام زیاته کړه؛ د خبریالانو او بنسټونو لخوا د څېړنیز راپور لیکل او همدارنګه د فساد پر وړاندې مبارزه اطلاعاتو ته د لاسرسي حق تامینولو پرته شونې نه ده. پر همدې بنسټ ټول دولتي بنسټونه اطلاعاتو ته د لاسرسي قانون په رڼا کې مکلف دي؛ چې په ادارو کې شته اطلاعات ټولو هېوادوالو او په ځانګړي ډول خبریالانو ته ورکړي. تر څو څېړونکي خبریالان وکړای شي د روڼتیا پیاوړي کولو، د دولتي بنسټونو ځواب ویلو او د فساد پر وړاندې مبارزې په برخه کې خپل راپورونه خپاره کړي.
دا پروګرام د څېړنیز راپور او د فساد پر وړاندې مبارزې په برخه کې د خبریالانو د مسلکي توانایي کچې لوړولو په پار جوړه شوې وه.
