اطلاعاتو ته د لاسرسي کمېسیون، د (alexa) الکسا د څېړنې په پایله کې د نړۍ په کچه د زیاتو لیدونکو په لرلو د افغانستان په کچه د خامه پرس خبري پاڼې لومړني مقام اخیستل او د غوره خبري وېبپاڼو په ډله کې د راتلو له کبله د افغانستان رسنیزې ټولنې ته مبارکي وايي.
اطلاعاتو ته د لاسرسي قانون پلي کول، د افغانستان آزادو رسنیو څخه ملاتړ، اطلاعاتو ته د لاسرسي حق تامینولو، د بیان ازادۍ په برخه کې د حکومت د ژمنو له ډلې څخه ګڼل کېږي. څرنګه چې ټولو ته ښکاره ده، د افغانستان رسنیو، د پوهاوي کچې لوړولو، د پوهې تولید او په ښې حکومتوالۍ کې د وګړو ګډون ته د زمینې برابرولو په هکله ښه رول لوبولی دی او د عامه ذهنونو روښانه کولو کې خپله دنده ښه پر مخ وړې ده.
اطلاعاتو ته د لاسرسي کمېسیون د افغانستان د څو رسنیو (طلوع نیوز، اطلاعات روز، هشت صبح، آزادي رادیو، آریانا نیوز، د آشنا غږ، یکصدا، پژواک، پاسبانان، بازتاب نیوز، صبح کابل، سلام وطندار، ون تي وي او افق نیوز) د نړیوال څېړنیز مرکز السکا د شاخصونو په رڼا کې ډېرو لیندونکو خبري سایټونو په ځانګړي توګه د خامه پرس په لومړي درجه کې راتګ د هېواد ټولو معتبرو رسنیو او د خامه پرس کارکوونکو ته مبارکي وایي.
اطلاعاتو ته د لاسرسي کمېسیون یو ځل بیا د بیان آزادۍ او اطلاعاتو ته د لاسرسي حق تامین څخه خپل ملاتړ څرګنده وي او د اطلاع رسونې په برخه کې د افغانستان د رسنیو د پرمختګ هرکلی او ملاتړ کوي.
