اطلاعاتو ته د لاسرسي کمېسیون لخوا د دولتي ادارو اطلاع رسونې مرجع مسوولینو ته د پوهاوي او ښوونیز پروګرام ترسره کول
دا پروګرام اطلاعاتو ته د لاسرسي کمېسیون رییس ښاغلي عین االدین بهادري، کمېشنرې زهرا موسوي، اطلاعاتو ته د لاسري کمېسیون د عامه پوهاوي، څارنې او ارزونې څانګو آمرینو، د دولتي ادارو د اطلاع رسونې مراجع مسوولینو په شتون کې اطلاعاتو ته د لاسرسي په کمېسیون کې ترسره شوه.
پیل کې ښاغلي عین الدین بهادري، د اطلاع رسونې مرجع مسوولینو پر فعال والي او د اطلاع رسونې په برخه کې په ادارو کې د مطبوعاتو پراهمیت؛ همدارنګه د ښې حکومتوالۍ او د اطلاع رسونې دود پیاوړتیا او عامتیا په برخه کې د اطلاع رسونې مؤثریت په هکله خبرې وکړې:« په ټولنه کې د اطلاع رسونې او مطبوعاتو له لارې د وګړو د پوهاوي کچې لوړه شوې ده او د محرمیت د دود زمینه یې محدوده کړې ده». پر همدې بنسټ د غوښتونکو، غوښتنې ته پر وخت ځواب ورکول او د اطلاعاتو له وړاندې خپرول، اطلاعاتو ته د لاسرسي قانون ۱۵ مادې پر اساس د ځواب ویلو، د اعتبار دود پیاوړتیا او د روڼتیا ښکارندوي کوي.
ښاغلي بهادري زیاته کړه؛ د ادارو د مالي او تدارکاتي څانګو، همدارنګه ټولو برخو په هکله باید اطلاعات ورکول د ښې حکومتوالۍ په دود بدل شي.
د کمېسیون رییس، د اطلاع رسونې مرجع مسوولینو ستونزو حل باندې د ټینګار ترڅنګ وویل؛ همغږي، د ښو اړیکو د جوړېدو له لارې رامنځته کېږي. پر همدې بنسټ تلپاتې اړیکې اطلاعاتو ته د لاسرسي کمېسیون د څارنې او ارزونې آمریت، د شکایتونو آمریت اړیکې او اطلاع رسونې مرجع مسوولینو ترمنځ اړینې دي.
ورپسې آغلې زهرا موسوي، د پروګرام جوړېدو موخې او د اطلاع رسونې مرجع مسوولینو دندو باندې خبرې وکړې. آغلې موسوي وویل:«اطلاعاتو ته د لاسرسي کمېسیون مصمم دی چې د اطلاع رسونې مراجع مسوولینو پر وړاندې د شته ستونزو حل لپاره به عملي ګامونه واخلي». دې همدې لپاره کمېسیون د انلاین سېستم په هکله ښوونیز او په مسلکي ډول د راپور ورکولو پروګرام ترسره کړ تر څو وکړای شي په دې برخه کې ستونزې له منځه یوسي. آغلې موسوي، غوښتونکو ته پر وخت د اطلاعات ورکولو باندې د ټینګار سربېره اطلاعاتو ته د لاسرسي حق تامین په برخه کې د اطلاع رسونې مسوولینو دنده مهمه وبلله.
د عامه پوهاوي آمر ښاغلي خلیل جیحون، د یو پرېزېنټېشن په ارایه کولو سره د قانون مبنا، اطلاعاتو ته د لاسرسي حق، اطلاعاتو ته د لاسرسي کمېسیون دندو او واکونو، د اطلاع رسوونکي دندو، د اطلاعاتو ډلبندۍ، اطلاعاتو ته د لاسرسي باندې د اساسۍ حاکمو اصولو په هکله په مفصل ډول توضیحات ورکړل.
د څارنې او ارزونې آمر ښاغلي داوود فیاض، د اطلاع رسونې مرجع مسوول رامنځته کولو په برخه کې د ادارو مکلفیت، د اطلاع رسونې مسوولینو دنده، کمېسیون ته د اطلاع رسونې مسوولینو راپور ورکولو، اطلاعاتو ته د لاسرسي قانون ۱۵ مې مادې پر بنسټ د اطلاعات ورکولو وخت په هکله هر اوخیز معلومات ورکړل.
ورپسې اطلاعاتو ته د لاسرسي کمېسیون د وېبپاڼې کارپوه ښاغلي حقیار اطلاعاتو ته د لاسرسي انلاین سېستم په اړه اړین وضاحت ورکړ.
په پای کې د ګډونوالو پوښتنو ته ځواب ورکړل شو.
