اطلاعاتو ته د لاسرسي کمېسیون اونیزه غونډه
اطلاعاتو ته د لاسرسي کمېسیون نوبتي غونډه، د چارو لا انسجام په موخه د کمېسیون د رییس، غړو او د کمېسیون د دارالانشا رییس په شتون کې تر سره شوه.
په پیل کې د کمېسیون د دارالانشا رییس ښاغلي عصمت الله حیدري، د کمېسیون رییس او غړو ته د کمېسیون کاري اونیز راپور ارایه کړ. ورپسې د کمېسیون د چارو لا همغږۍ لپاره د رهبرۍ په غونډه کې پرېکړه وشوه چې د کمېسیون د غړو دندو په اړه چې مخکې ویشل شوې وې بیا کتنه وشي.
یادې پرېکړې ته په کتو د کمېسیون غړي به لاندې دندې پر مخ وړي؛ د کمېسیون مالي، تدارکاتي او د شکایت څېړلو څانګې به اطلاعاتو ته د لاسرسي کمېسیون رییس ښاغلی عین الدین بهادري، اداري، خدمات او د بشري سرچینو څانګې د کمېسیون مرستیاله آغلې نجیبه مرام، د عامه پوهاوي او اړیکو څانګې د کمېسیون کمېشنر او منشي ښاغلی حمدالله ارباب، د څارنې او ارزونې څانګې د کمېسیون غړې آغلې زهرا موسوي پر مخ وړي.
همدارنګه په دې ناسته کې اطلاعاتو ته د لاسرسي نړیوالې ورځې لمانځلو، د تلویزیوني سپاټونو خپرولو، ولایتي سفرونو او نورو اړوندو موضوعاتو باندې بحث وشو.
