اطلاعاتو ته د لاسرسي کمیسیون مشرتابه غوڼډه د مخابراتی خدماتو د تنظیم ادارې له مشرتابه سره
اطلاعاتو ته د لاسرسي کمیسیون مشرتابه د مخابراتي خدماتو د تنظیم ادارې له مشرتابه سره د غویي په ۲۹مه کتنه تر سره کړه او اطلاعاتو ته د لاسرسي حق د تعمیم په موخه یې د دوه اړخیزو همکاریو پر لارو چارو خبرې اترې وکړې.
په غونډه کې لومړی ښاغلي عین الدنی بهادری د کمیسیون رئیس، د کمیسیون د رامنځته کیدو پر فلسفه او د یاد کمیسیون پر دندو رڼا واچوله او بیا ښاغلي حمدالله ارباب د کمیسیون کمیشنر او منشي د کمیسیون لپاره د یو معلوماتي مرکز د جوړولو په اړه خبرې وکړې او په دې برخه کې د مخاتراتی خدماتو د تنظیم ادارې له مشرتابه څخه د همکارۍ غوښتنه وشوه. ورپسې ښاغلي عمر انصاري د یادې ادارې مشر د خپل ادارې په هکله مفصل مالومات وړاندې کړل او د کمیسیون له مشرتابه سره پرکتنې د خوښۍ په څرګندولو سره د ګډو همکاریو پر ځینو اړخونو رڼا واچولو. په پای کې هوکړه وشوه چې د دواړو لورو تخنیکي کارکوونکي دې د راتلونکو همکاریو پر جزئیاتو د هړ اړخیزو خبرو اترو د تر سره کولو په موخه لیدنې کتنې تر سره کړي.
غونډه د هیواد لپاره د نیکو هیلو په څرګندولو سره پای ته ورسیده.
